Пејачката Никол Шерцингер одлучи да се исели од луксузната вила, која ја купи пред четири и пол години за 3,75 милиони долари.
Откако вложи многу, таа сега ја продава катната модерна куќа на стрмната падина на високиот гребен над Сансет Стрип во Лос Анџелес за 8 милиони долари.
Постојат неколку спални соби на пониско ниво, од кои едната е претворена во теретана, а sидовите на прозорците овозможуваат релаксирачки поглед кон градот. Втората соба, во која можат да спијат најмалку четири лица, содржи два комплети кревети на спрат, додека главната спална соба зазема супериорна позиција на ниво на пентхаус. Линеарно огниште го загрева просторот на спалната соба, додека пространата дневна соба се отвора на приватна тераса со модерен базен во центарот. Особено модерната бања исто така се отвора на друга тераса, а специјално дизајнираниот вграден плакар е доволно голем за да изгледа како да сте во бутик.
Имотот сам по себе наликува на куќа од бајка, имајќи предвид дека е на видиковец, а беше направен и посебен проект за уредување на секој кат. Трикатната вила се состои од четири спални соби и четири бањи, а се простира на нешто повеќе од 4600 квадратни метри.
Секој кат се граничи со стаклени sидови, од каде има неверојатен поглед кон центарот на градот, кој достигнува сè до Тихиот океан.
Отворениот простор за живеење на главното ниво се состои од елегантна кујна, пространа трпезарија поставена со прозорци од подот до таванот што се отвораат на голема тераса. Тука е и удобната дневна соба со две софи поставени спроти едни на други, веднаш до елегантен камин од бел мермер.
Од дополнителните содржини, има и домашно кино со кадифени кревети и специјално дизајнирани седишта за гледање филмови на големото платно. Мини-дневната соба води до чардак со бар, каде има мал базен, додека покрај него е поставена лулашка, која гледа кон градот и нуди волшебен поглед, наведува Курир.
