Connect with us

Hi, what are you looking for?

runway

Four Seasons

Во срцето на Италија: Зошто Перуџа, магичниот град од Умбрија, не треба да се заобиколи?

Иако првата асоцијација со реката Тибар е главниот град Рим, реката минува покрај прекрасната Перуџа…

Често пишуваме за Италија, но секој пат успеваме да најдеме нешто ново. Овој пат на ред дојде Перуџа, град во провинцијата Умбрија, а откако ќе прочитате и научите малку повеќе за овој град, сигурни сме дека ќе посакате да го посетите.
Храна

Перуџа е одличен град за проба и уживање во умбриските специјалитети. Доколку сакате малку поинакво искуство, дефинитивно треба да го посетите ресторанот Numero Zero. Сопствениците се луѓе со големо срце и решиле во својот ресторан да вработат млади луѓе со ментални проблеми. Имено, тие се придржуваат до принципот според кој „да се биде различен не е срамно“. Услугата е одлична и ќе ја почувствувате пријателската атмосфера, а менито нуди најмногу јадења со месо. Сите намирници доаѓаат од блиските фарми, така што овде можете да бидете повеќе од сигурни во локалните производи.

Архитектура

Како воопшто да изберете и издвоите нешто во град стар повеќе од две и пол илјади години? Етрурски ѕидови? „Torre degli Sciri?“ Сепак, многумина ќе ја изберат тврдината Рока Паолина, изградена уште во 16 век за папата Павле III. Денес под тврдината, но и во центарот на градот каде што се наоѓа, може да се прошета низ мрежа од тунели, а подземниот свет се гледа под катедралата Свети Лоренс.

Приказни од соседството

Порта Соле е креативна област на градот, каде што секогаш е можно да се види нешто ново; изведби, улична уметност, работилници за занаети… Препорачуваме да започнете од книжарницата „Mannaggia“ во Виа Картолари, која е специјализирана за изданија на мали издавачки куќи и вечерни настани. Потоа упатете се кон киното „Post Modernissimo“, најстарото во градот. Се затвори во 2000 година, но за среќа, благодарение на бројните иницијативи и донации, се отвори 14 години подоцна. Киното има три екрани, но и тераса на која можете да уживате во добар пијалок.

Зеленило

Иако првата асоцијација со реката Тибар е главниот град Рим, реката тече покрај Перуџа. Ако се упатите кон кружното шеталиште наречено Sentiero delle Lavandaie (шеталиште за перење) кое ќе ви одземе околу два часа. Имено, до 60-тите години од минатиот век, жените доаѓале овде и ја переле робата на богатите семејства, а тоа најчесто се правело во недела. Шеталиштето е направено во 2011 година и денес е одлично потсетување на историјата на градот.

Ноќен живот

Барот Punto di Vista, кој се наоѓа на рид над градското собрание, има прекрасен поглед на долината Тибар, но и многу добри коктели. Навечер најдобро е да талкате по плоштадот Ванучи, да седнете на терасата и да ги гледате луѓето. Познато место е и Демпси во близина на катедралата, коктел бар кој работи до 1 и 30 навечер и кој е надалеку познат по правењето Маргарита. Во близина е и Bottega del vino, каде што можете да уживате во џез звуците секоја среда.

Advertisement
Advertisement
Advertisement

Прочитај

Fool Moon

Даф призна дека достигнала фаза во која, денес, целосно го прифаќа своето тело и не е заинтересирана никогаш повторно да живее според холивудските стандарди...

Wall Street

Дресот што го носеше аргентинската фудбалска ѕвезда Диего Марадона кога го постигна својот познат гол „Божја рака“ за време на Светското првенство во 1986...

Green Tea

Руколата е една од најблагодарните намирници што можете да ги внесете во вашето секојдневие – се одгледува во текот на целата година, лесно се...

Wall Street

Проблеми со купувањето на мрежата Твитер – Маск објави дека одлуката ја става во мирување! Илон Маск понуди 44 милијарди за купување на Твитер...

Advertisement