Connect with us

Hi, what are you looking for?

runway

Green Tea

Ice cream lovers: 4 вкусни рецепти за сладолед кои едвај чекаме да ги испробаме

Летото пристигна и вкусниот сладолед што ќе не разлади е токму тоа што го бараме! Но, што е со непотребните калории? Сепак, постојат алтернативи кои вреди да се истражат и испробаат. Ова се апсолутно хранливи рецепти за подготовка на ладни десерти од сезонско овошје.

Тоа е совршено решение за секое време од денот, како и идеално задоволство за вашите пријатели.

Откријте супер вкусни рецепти и направете ги што побрзо!

СОРБЕТ ОД ЛИМОН

Потребно ви е:

1 + 1/2 чаши вода
1/2 чаша минерална вода со лимон или Спрајт
2 чаши свеж сок од лимон (околу 8 лимони)
Кора од лимон
Подготовка:

Исцедете го лимонот. Во мала шерпа на средна топлина, додадете вода и кора од лимон, измешајте добро и почекајте да зоврие, а потоа намалете ја топлината и оставете да врие уште 3 минути. Тргнете го од оган и оставете го да се олади. Стиснете ја смесата со лимон во сад и измешајте во 2 чаши свежо исцеден сок од лимон и половина чаша минерална вода. На крај, пренесете ја смесата во метален сад и ставете ја во замрзнувач (за 2-4 часа). Мешајте на секои половина час да се замрзне рамномерно и да биде подготвено за сервирање.

СОРБЕТ ОД ДИЊА

Потребно ви е:

1 диња
120 гр. вода
200 гр. шеќер
Сок од лимон од 1 мал лимон
Подготовка:

Излупете и остранете го семето од дињата. Сецкате на мали парчиња. Ставете ги парчињата диња во шерпата и оставете ги во замрзнувач 1-2 часа додека дињата не се замрзне целосно. Додека дињата е во замрзнувач, правиме сируп ставајќи вода, шеќер и лимон во шерпата. Почекајте да зоврие и промешајте со дрвена лажица за да се раствори шеќерот. Оставете ја настрана да се олади. Кога парчињата диња ќе замрзнат, ги додаваме во сирупот што го направивме во блендерот или машината за сладолед. Мешајте додека смесата не стане мазна и кремаста и замрзнете ја во ладилникот 1-2 часа. Пред да го послужите сорбетот, треба да го оставите 5 минути на собна температура.

СОРБЕТ ОД МАЛИНА

Потребно ви е:

5 чаши свежи малини
1 чаша вода
1 екстракт од ванила
свеж сок од лимон
шеќер по потреба
Подготовка:

Во блендер додадете вода и малини и мешајте додека смесата не стане хомогена. Процедувате, а потоа додадете ванила и сок од лимон во садот и мешајте додека не се раствори шеќерот. Истурете ја смесата во плиток сад од не’рѓосувачки челик и замрзнете 1-2 часа.

ЕСПРЕСО СОРБЕТ

Потребно е:

50 гр. шеќер
340 гр. кафе еспресо, топло
Подготовка:

Истурете ги шеќерот и кафето во сад и мешајте додека не се раствори шеќерот. Внимателно истурете ја смесата во доволно голем сад, така што смесата е дебела само неколку милиметри. Ставете го садот во замрзнувач 45 минути. Потоа извадете ги и разбијте ги формираните кристали со вилушка. Вратете го садот во замрзнувач уште 45 минути. Продолжете на ист начин се додека нашата смеса не замрзне добро и добие форма на големи кристали.

Advertisement
Advertisement
Advertisement

Прочитај

Fool Moon

Секоја боја има посебно значење, а според психологијата на бојата, нашата омилена нијанса може да открие многу за нашиот карактер и живот. Астрологот Мишел...

Green Tea

Артичоката е една од основните состојки на медитеранската исхрана. Овие фотогенични пупки се всушност еден вид на диво трнливо растение (чичка), иако честопати ги...

Fine Living

Томи Хилфигер и неговата сопруга, дизајнерката Ди Оклепо, купија луксузна вила во Палм Бич вредна 21 милион долари. Езерската вила е изградена во 2006...

Fool Moon

Албумот ќе биде посветен на нејзиниот развод! Одлична вест за обожавателите на Адел: извор близок до пејачката соопшти дека многу скоро ќе издаде нов...

Advertisement